SAMPIT | PANGKALANBUN | PALANGKA | KOTAWARINGIN | METROPOLIS | BARITO | GUMAS | DPRD SERUYAN
Rabu, 22 Juni 2016 21:09
Lawas Bazikir
Si Ongol

Si Ongol, Gabau, Lengkor wan sagalaan Asoy, Dangdut, Utuh Kalubut salawas bulan puasa ngini, sudah jarang banar takumpulan di pos ronda. Matan awan puasa lalu, imbah sambahyang tarawih buhannya masing-masing ha langsung bulik ka rumah. Amunnya ada basinggah di pos ronda gin, paling satumat ja.

Tapi hari samalam buhannya bajanjian imbah bulik tarawih, handak badapat bakumpulan di pos ronda. Si Gabau manantang Ongol bamain catur. “Malam ini kita bagadangan, sampai tangah malam. Ayuha kena aku nang manukarakan kupi wan wadainya,” ujar Gabau pas mambawai buhannya, rahatan tadapat di langgar pas handak sambahyang tarawih.

Ongol ne rupanya tulak tarawih mambawa anaknya si Utuh Lantui, wan bininya si Aluh Lintak. Mau-kada mau ai, imbah tarawih inya manyuruh anak wan bininya nitu tadi bulik badahulu, wan inya baalasan umpat ronda malam wan bubuhan Gabau.

 “Kena ikam bedahulu ka rumah ding lah, abang ada tugas negara umpat maronda manjaga kaamanan kampung kita, nyaman kada kamalingan. Kena bulik abang bawaakan iwak makan gasan kita basahur,” ujar Ongol mambisai bininya, nyaman imbah tarawih langsung bulik badahulu ka rumah.

Pas sudah tuntung sambahyang tarawih,  Gabau wan Lengkor tadi sudah mahadangi inya di muka langgar. Ongol ne rupanya, masih balum kaluar ja, pina masih duduk basila bazikir imbah sambahyang tadi. Sampai nang urang sudah habisan di langgar sisa nang batadarus ja lagi, masih ja Ongol ne baduduk basila di dalam. Napa ada, pina panasaran lalu mandatangiai Gabau wan Lengkor. Ongol ne kada kaya biasanya, nang katuju badahulu bukah kaluar imbah imam maucap salam.

 “Pina panjang doa ikam limbah habis sambahyang lah Ngol, orang sudah tuntungan badoa. Khusyu banar kawal kita nah. Kawanan nang lain sudah mahadangi di pos,” ujar Gabau mambisiki inya. Rupanya manyahut Ongol neh. “Yaam nah, mumpung bulan puasa ngini, ada baiknya kita mahibaki bazikir wan istigfar,” ujarnya manyahut.

---------- SPLIT TEXT ----------

“Ada amalam nang apa garang Ngol maka ikam balawas bajikir, Tumben banar ikam baalim nang kyini,” ujar Lengkor pulang batakun.  “Amun niat kita ikhlas wan tulus badoa, pasti tahan haja baduduk basila sing lawasan. Nang kaya aku ni pang. Supaya gasan manambah pahala wan amal banarai,” sahut Ongol pulang.

Rupanya pas rahatan buhannya batiga tadi asik bakisah, timbul “Duaarrrrrr….!!, nyaring banar suara latupan dihadapan langgar. Rupanya ada kakanakan  bamainan nang banimbai ka halaman langgar sampai bunyinya tamasuk ka dalam. Oleh takajut barataan, napa ada sampai taluncat Gabau wan Lengkor tadi  nang lalu kaluar pada langgar, Ongol mintu jua umpat bukah jua kaluar mancarii kakanakan nang manimbai wan latupan tadi.

Pas rahatan Ongol badiri, sakalinya Lengkor malihat tapih antangan burit Ongol rabit antangan sambungannya. Wan pinanya kada kawa digulung, bajarat Ongol mamakainya nyaman kada talului. Malihat nang kayaitu, apa ada lucut Lengkor manatawai lawan Gabau. Tahuam buhannya kanapa Ongol tadi batahan di dalam langgar sampai urang bulikan.

“Hahahaha, nang ini kah Ngol nang maolah ikam lawas bajikir di dalam tadi. Paham aja kami amun nang ini panyakitnya. Tasalah pakai kah, atau takait kah, maka sampai bungkas,” ujar Lengkor bahimat manatawai.

Apa ada, paksaai Ongol mangaku jua akhirnya, padang muha masam kana tampalaki kakawanan. “Anu walai, pas rahatan sambahyang rakaat tarakhir tadi, tapihku taluluy rupanya. Aku kada ingat bapandeng. Maka sialnya pas taluluy tu, datang pulang anakku nang halus tu manggayai sambil manjuhut. Apada ada pas aku basujud, lalu bakarasan ai sampai rabit antangan burit,” ujar Ongol manjalasakan lawan muha nang supan, apa mun didalam tapih baya bacawat budas.(gus)

loading...

BACA JUGA

Kamis, 10 September 2015 21:57

54 Calhaj Diminta Fokus Jalani Ibadah

<p>KASONGAN - Sebanyak 54 calon haji asal Kabupaten Katingan yang tergabung dalam kelompok terbang…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Terverifikasi Dewan Pers