SAMPIT | PANGKALANBUN | PALANGKA | KOTAWARINGIN | METROPOLIS | BARITO | GUMAS | DPRD SERUYAN
Kamis, 23 Juni 2016 20:14
Warung Sakadup
Si Ongol

Padang bulan puasa wan hari panas mambarangat, buhan Ongol, Lengkor wan Gabau ne cangkal ha bagawian mandangani Haji Walet mamanen liur walet. Buhannya dijanjiakan jua tambahan THR amunnya kawa tuntung mamanen dalam sahari nitu.

“Amunnya pina uyuh, batahan dahulu jangan talalu bahimat bagawi,” ujar  Ongol mamadahi kakawanannya.  “Tapi jangan jua bapuasa dijadiakan alasan, nang sampai maulah pangoler bagawi. Bisa kada tuntung hari ini gawian ni, amun banyak istirahatnya!,” sahut Anang Gabau.

“Baah..pina sigar ikam Nang, basumangat banar bagawi. Kada puasa kah?,” ujar Lengkor pulang curiga wan Gabau tadi. “Puasa nitu urusan antara hambanya lawan Tuhan langsung. Kada usah aku bapadah puasa atawa bapadah kada puasa lawan buhan ikam,” sahut Gabau pina tasinggung.

Kada karasaan, lalu tuntung gawian buhannya sakira hari sudah sore jam 4an. Lalu batiga tadi bulikan baimbai ka rumah naik sepeda melalui pasar.  “Baah iyaam, ada warung nang kada batukup horden sama sakali bajualan padang puasa ngini. Tempak banar batampai!,” ujar Ongol pulang manunjuk ka salah satu warung, pas dilalui buhannya. “Coba kam datangi pang Gabau, kam tagur nang ampunnya,”ujar Lengkor manyuruhi Gabau. Buhan Ongol tadi mahadangi di seberang jalan. Lalu masukai Gabau nang awaknya tinggi ganal tadi, mandatangi nang ampun warung.

---------- SPLIT TEXT ----------

“Uii..! mana nang ampun warung nih?!,” ujar Gabau bakuriak mangiau. Untungnya warung nitu tadi pas sunyi, kadida urang singgah. “Ooh..ulun nang ampunnya mang?,” sahut ampun warung. “Ini kan lagi bulan puasa, bulan suci. Coba pian hormati pang urang nang lagi bapuasa. Boleh haja pian bajualan, tapi ditutup pang pakai horden nyaman kada  batampai wan urang nang puasa..!,” ujar Gabau mamadahi nang ampun warung.

Nang ampun warung ni manurut wan Gabau tadi. “Inggih mang, ulun tutupi wan hordenam. Pas sudah tatutup warung tadi wan horden, sakalinya Gabau ne masuk ka dalam lalu mamasan wan es teh. “Nah kyitu pang, mahormati jua lawan urang nang puasa. “Es teh pang sagalas,” ujar Gabau bagimit bapander.

Ongol wan Lengkor tadi rupanya mamarak wan warung nitu, sambil mahintipakan kalakuan Gabau. “Ooo…cilaka jua ikam neh sakalinya nang ai. Kada puasa!. Kita maka mahadangi inya diluar..!!,” ujar Ongol basasarik, manyumpah wan Gabau. Mintu jua wan Lengkor umpat basasarik jua. “Waluh jua ikam ne Gabau ai, tadi kada mangaku kada puasa..!,” ujar Lengkor.

“Husss…kada bulih basasarik urang puasa tu, kena batal. Aku kada tahan lagi walai mahadangi babuka, karing dah rakungan ku rasa paning kapala. Tulung dihurmati jua urang nang kada puasa,” ujar Gabau manyahut. Lalu…bukahanai Ongol wan Lengkor tadi sambil bagiling kapala manyanyumpah wan Gabau. (gus)

loading...

BACA JUGA

Kamis, 10 September 2015 21:57

54 Calhaj Diminta Fokus Jalani Ibadah

<p>KASONGAN - Sebanyak 54 calon haji asal Kabupaten Katingan yang tergabung dalam kelompok terbang…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Terverifikasi Dewan Pers