SAMPIT | PANGKALANBUN | PALANGKA | KOTAWARINGIN | METROPOLIS | BARITO | GUMAS | DPRD SERUYAN

SAMPIT

Senin, 27 Januari 2020 11:45
Sesak Napas
ILUSTRASI.(RAFI/RADAR SAMPIT)

Sudah dua hari ini, Pambakal Kampung Liur yakni  si Haji Untat tabaring di rumah sakit lantaran kena panyakit flu berat.  Pasalnya sidin ne kada tapi tahan lawan parubahan cuaca, apalagi lawan cuaca dingin akibat saban hari haur hujan ja.

Mandangar Haji Untat tadi garing, bubuhan Ongol, Gabau, Lengkor wan sagala Acil Jablay lalu manjanguk ka rumah sakit.

“Aku dangar sidin salesmaan sampai sasak napas ujar, ulih kada tahan kana banyu hujan lawan rancak masuk angin... Aku gair kalo pina sidin kena virus hanyar matan Cina, nang bisa maulah urang sasak napas nitu..!,” ujar Ongol mangisahi, pas buhannya dalam perjalanan ka rumah sakit, mamakai mobil marina Gabau.

“Yaam sidin wayah ni masih baimpus wan mamakai oksigen jar,” ujar Acil Jablay manyahuti.

Sakira satangah jam buhannya di perjalanan dari Kampung Liur, akhirnya sampai di rumah sakit wadah Haji Untat tadi dirawat. Untungnya buhannya baampat tadi taimbai wan jadwal manjanguk, jadi bisa langsung masuk karuangan Haji Untat.

Wan sidin nang sabalumnya, sampat tujah wayah dijanguk buhan Ongol ne sidin sudah sadaram. Sudah kawaan bebincalak, tapi kada  kawa dibawai bapandir lawas, ulih hidung  sidin masih be selang oksigen. Lawan ditangan sidin jua masih bapasang selang wan jarum infus.

”Assalamualaikum mang haji,” ujar Ongol bagimit, pas handak masuk ka ruangan Haji Untat.

”Hmm..walaikum salam. Ayuja masukan,” sahut Haji Untat bagimit, padang muntung masih ba oksigen.

”Nang kyapa kaadaan pian Ji, sudah mambaik kah,” ujar Gabau pulang manakuni.

”Alhamdulillah, sudah mambaik. Tasisa napas ku ja lagi nang masih mahengal,” sahut Haji Untat sambil sasakali malapas lawan corong oksigen di muntung sidin.

Buhan Ongol nang manjanguk ni duduk dihiga ranjang Haji Untat barabah, ada jua nang badiri dihiga sidin, sambil mauruti batis.

”Huuss, jangan talalu banyak ditakuni, kasihan sidin ngalih manyahut padang baoksigen ni. Baik kita doa akan ja nyaman sidin lakas sembuh, lakas pulang takumpul wan kita di kampung,” ujar Lengkor managur.

Kada lawas manjanguk, lalu buhannya baampat tadi handak bapamit bulik. Nangaran Haji Untat ne urang nang paling dituhaakan di Kampung Liur, jadi sabalum bulik bubuhan Ongol ne bapamit bacium tangan. Tapi kanapakah, pas giliran Ongol handak bapamit timbul kejang-kejang Haji Untat ne, napasnya hengap-hengap.

”Toloong..toloong,” ujar Haji Untat babisik. Napa ada lalu panik ai sagalaan Acil Jablay, Lengkor wan sagalaan Gabau. 

”Hauu, kanapa sidin neh timbul handap napasnya.!, Lakasi kiaui dokter..!,” ujar Acil Jablay.

Samantara Ongol mamingkuti Haji Untat nang hengal-hengal napasnya tadi. Gabau wan Lengkor bukah mangiau dokter, sakira 5 menit ja langsung datang dokter nang dicarii buhannya tadi.

”Dok tolong dok, timbul sidin ne hengap-hengap napasnya. Bahaya amun lambat diurus !,” ujar Ongol pas dokter datang. Imbah  nitu lalu mamariksaai dokter tadi, wan bingung jua kanapa Haji Untat timbul hengap-hengap nang kaya urang kahabisan napas.

Sakalinya imbah ditelusuri, sidin sampai nang kyitu gara-gara Ongol manjajak selang oksigen sidin nang manjuntai ka lantai dihiga ranjang. Napa ada, tagapit udara nang dihirup sidin. Makanya hengap-hengap handak mati kahabisan napas.

“Aduuh, sakalinya buhan ikam ne jua nang maulah sidin hengap-hengap. Sabaiknya lakas keluar ja sebarataan..! Supaya sidin kawa istirahat wan lakas sembuh..!,” ujar Dokter tadi manyariki buhan Ongol. Napa ada lalu hinip barataan. Kasasupanan Ongol dapatnya.(gus)


BACA JUGA

Rabu, 09 September 2015 22:17

Dishub Diminta Tambah Traffic Light

<p><strong>PALANGKA RAYA</strong> &ndash; DPRD Kota Palangka Raya menilai sejauh…
Sitemap
  • HOME
  • HOT NEWS
  • NEWS UPDATE
  • KOLOM
  • RAGAM INFO
  • INSPIRASI
  • FEATURE
  • OLAHRAGA
  • EKONOMI
Find Us
Copyright © 2016 PT Duta Prokal Multimedia | Terverifikasi Dewan Pers